Октябрь кыдал марте Волжск оласе рӱдӧ эмлыме верын йоча пӧлкажын леведышыжым олмыкташ кӱштымӧ

Октябрь кыдал марте Волжск оласе рӱдӧ эмлыме верын йоча пӧлкажын  леведышыжым олмыкташ кӱштымӧ
Республикым вуйлатыше Волжск оласе рӱдӧ эмлыме верын йоча пӧлкажын леведышыжым капитально олмыкташ кӱштымашым пуэн. Тиде паша Марий Эл Правительствын резерв фондысо оксаже кӱшеш ышталтшаш. Ик миллионат 500 тӱжем теҥгем кучылташ палемдыме. Йоча отделений кум пачашан посна пӧртыштӧ верланен. Тудым 1983-шо ийыште чоҥымо. Но тунамсек капитально олмыктымо огыл. Сандене тиде ситыдымашым, жапым шуйкалыде, кораҥдаш кӱлеш,- каласен Евстифеев. Тыште оласе да районысо чыла йоча эмлалтеш. Тазалыкаралтыш министрын мутшо почеш эмлыме вер кӧргыштат олмыштымо пашам шукташ палемдыме, кӱварым да окнам вашталташ кӱлеш.

Прошлые выпуски