Александр Евстифеев Волжск олан телылан ямде улмыжым терген

Александр Евстифеев Волжск олан телылан ямде улмыжым терген
 Волжск олан социал-экономик вияҥмыжым ола администрацийыште вездной совещанийыште каҥашыме. Тудым Марий Элым вуйлатыше Александр Евстифеев эртарен. Эн ончыч тудо спорт объект- влакым ончымо деч вара иктелымашым ыштен. Мый луымшо гана тиде олаш толынам. Коеш: кучемын еҥже- влакын толмышт пайдам конда. Кызыт гына «Марбум Арена» стадионым почмаште лийна. Яра кийыше мландыште Марбумкомбинат стадионым чоҥен шогалтен. Тушко 80 наре йоча толеш манын шонымо гын, уже 150 ӱдыр-рвезе возалтын. Республикым вуйлатыше спорт-туризм министрлан кадрым ситараш темлен. Тыгак Волжск олаште ече трассым волгалтараш да асфальтым шараш документым ямдылаш кӱштен. Тиддеч посна Приволжский посёлкышто Физкультура да тазалыкым пеҥгыдемдыме комплексым чоҥен пытарымеке, тудлан сай тренер составым ситараш тӱткышым ойыраш кӱлеш манын. Тушто кок бассейн, баскетбол, волйбол площадке, тренажёр да фитнес зал- влак лийшаш улыт. А Арена йӧршын ӧрыктарыш- тиде профессионал пасу. Ынде волжан- влак республикысе чыла таҥасымашыште сеҥышыш лекшаш улыт, манын Евстифеев. Каҥашыме эше ик йодыш- канализаций коллекторым пужен ыштымаш. Тудым Российын чоҥымаш, илыме вер да коммунал озанлык министрже Владимир Якушев дене каҥашыме. Документацийым ямдылыме да экспертизе гоч эртыме. Тыге «Юл эҥерым тазаҥдымаш» программыш пураш чыла йӧн уло. Пашалан ик миллиардат 200 миллион теҥге кӱлеш. Совещанийыште тыгак вӱдым ситарыме, кудывечылан да тӱшка вер- влакын, урем-корно-шамычын качествышт, йӱштӧ жаплан ямдылалтме шотышто йодышым ончымо. 

Прошлые выпуски