Пачер- влакым ылыжтен коштшо еҥ индеш ий утлам пеҥгыде режиман колонийыште эртара
Куженер район гыч пачер- влакым ылыжтен коштшо еҥ индеш ий утлам пеҥгыде режиман колонийыште эртара. Куженер районышто еҥ- влак улман пачерыш тулым чыкыше 43 ияш еҥлан приговорым лукмо. Следствий ден суд рашемденыт: 26-шо январьыште подылшо пӧръеҥ ден кум ӱдырамаш коклаште шургымаш тӱҥалын. Пӧръеҥ пырля илыме 57 ияш ӱдырамашым кырен, вара тудым, 20 ияш ӱдыржым да 31 ияш пошкудыжым пушташ сӧрен, малыме пӧлемыш ылыжтыме газет- влакым кудалтен да омсам петырен, кӱртньӧ пуч дене чараклен. Вара прихожийым ылыжтен, пачерым петырен да каен. Ӱдырамашыже ден пошкудыжо кокымшо пачашысе окна гыч лектыныт, ӱдырым пожарный- влак утареныт. Тул дене 261 тӱжем теҥгеаш эҥгекым ыштыме. Суд пӧръеҥым 9 ият 8 тылзылан пеҥгыде режиман колонийыш колташ пунчалын.
Следствий комитетын Марий Элысе следствий виктемжын фотожо.
Следствий комитетын Марий Элысе следствий виктемжын фотожо.
