Кодшо арнян кум тӱжем утла еҥ кылме чер дене черланен
Кодшо арнян республикыште кум тӱжемат 120 еҥ ОРВИ дене черланен. Тидыже эпидемий кӱкшыт деч 10 утла процентлан шагалрак. Но ончычсо арня деч 9 утла процентлан шукырак. Черланыше- влак кокла гыч 70 процентше 14 ияш марте йоча- влак улыт. Грипп черым палемдыме огыл. 25-ше ноябрьлан шотлымаште 81 тӱжем утла йочалан да 195 тӱжем наре кугыеҥлан прививкым ыштыме. Ныл тӱжем наре еҥ шке оксам тӱлен ыштыктен. Тичмаш налмаште республикысе калык гыч 41 прцентше вакцинацийым эртен. Иммунизаций умбакыже шуйна.
