Осалым шаркален, оксан лияш шонышо еҥ 13 ийлан петырымашке кая

Осалым шаркален, оксан лияш шонышо еҥ 13 ийлан петырымашке кая
Марий Элыште наркотикым шаркалыше еҥым 13 ийлан судитлыме. Медведево районысо суд Йошкар-Оласе 32 ияш ондак судитлалтше еҥ шотышто уголовный паша дене титаклыме приговорым луктын. Тудо увер да телекоммуникаций йӧн дене кугу тӱшка наркотикым шаркалымылан титаклалтеш. Марий Элысе прокуратурын увертарымыж почеш, тудо палыдыме еҥ дене осалым шаркалаш кутырен келшен. Июльышто автогараж кооперативыште наркотикан наста дене 20 вере шылтык верым ыштен. Пыштыме вержым телефон дене войзен налын. Тиддеч вара тудым наркотик ваштареш кучедалше виктемын еҥже- влак кученыт. Шенжым тергыме годым ужалаш ямдылыме 34 пакетым муыныт. Чылаже тудо 227 грамм наркотикым ужалаш шонен. Шылтыме наркотикшымат поген налме. Тудым 13 ийлан эрык деч посна кодаш пунчалме.

Прошлые выпуски