МВД-н медицина службыжо профессионал пайремым палемден

МВД-н медицина службыжо профессионал пайремым палемден
Республикысе МВД-м вуйлатыше Сергей Волчков ведомствын медико-санитар частьыштыже тыршыше- влакым профессионал пайремышт дене саламлен. МВД системыште медицина службым ыштымылан пӧлеклалтше пайрем министерствыште эртен. 1921-ше ий 12-шо октябрьыште милиционер- влаклан приёмный покойым ыштыме нерген приказ лектын. Лач тушечын Российысе эл кӧргӧ паша министерствын медицина службыжо тӱҥалтышым налеш. Кызытсе медицина служба чыла эмлыме пашам, тазалыкым аралыме мероприятийым шукта, личный составын тазалыкшылан мутым куча. Министр чылаштлан тауштен ойлен да медико-санитар частьым вуйлатыше Алексей Шуваловлан саламлыме адресым кучыктен, ойыртемалтше сотрудник- влак наградым налыныт.

Прошлые выпуски