Кужун вучымо корным чоҥен шуктымо

Кужун вучымо корным чоҥен шуктымо
Куженер районышто Шӱдымарий гыч Йырмарий ял марте кум меҥге кужыт корным чоҥен пытарыме. ОНФ-ын еҥже- влак пашан качествыжым тергеныт да кызытсе жаплан келшыше стандарт дене ыштыме манын акленыт. ОНФ-ын еҥже- влак тиде йодышым виктарен колтымашке 2017-ше ий майыште ушненыт ыле. Тунам Йырмарий ялысе калык кум меҥге кужыт корным чоҥаш нимо шотым муаш ок лий манын вуйым шийын ыле. Тыглай рок корно дене йӱран годым кошташ лийын огыл. Сандене тиде корно ужаш «Пудыргышо корно» интерактивный картыш пурен. Тыге тений тиде йодышым вер гыч тарватеныт. Тыгыде кӱм шарыман корным ышташ 49 миллион теҥгем ойырымо. Тиде кечылаште объектым сдатлыме. Вӱдым колтымо вер- влакым ыштыме, корно тӱрым пеҥгыдемдыме, корно пале- влакым вераҥдыме, остановкым чоҥымо, ялысе рӱдӧ уремлаште тротуарым шарыме. Ынде ик йодыш гына кодеш: телым тиде коным кӧ кучаш тӱҥалеш?

Прошлые выпуски