78 ий гыч салтакым мӧҥгыжӧ конденыт

78 ий гыч салтакым мӧҥгыжӧ конденыт
Кодшо кугарнян Медведево районысо Юшково ялын шӱгарлаштыже Кугу Ачамланде сарыште вуйым пыштыше салтакын лулегыжым тоеныт. 14-ше сентябрьыште Смоленск областьыште экспедицийым эртарыме годым кычалше- влак салтакын лулегыжым верештыныт. Пеленже улшо медальон почеш лӱмжымат рашемденыт. Тиде Медведево районысо Мамьярсолаште шочшо Павел Соловьёв улмаш. Тудо 1941-ше ийыште 34 ияш сарыш каен. Мӧҥгыштыжӧ вич йочаже кодын. Ынде, 78 ий эртымеке, тудым шочмо кундемыштыже ешыже пелен тоеныт. Тиде тат марте изирак ӱдыржӧ гына, Галина Кудрявцева илен шуктен.

Прошлые выпуски