Марий Эл «Шӧртньӧ шыже» выставкыште наградым налын
Ял озанлык пашаеҥ- влакын профессионал пайремышт вашеш Москошто «Шӧртньӧ шыже» выставке эртыш. Тушто «Ял кундемлам вияҥдымаште шумо кӱкшыт верч» конкурсын лектышыже почеш «Муниципал район кӱкшытыштӧ ял кундемлам вияҥдыме пашам пайдалын виктарымаш» номинацийыште Медведево район администраций шӧртньӧ медаль дене палемдалтын. Тыгаяк шӧртньӧ медальым «Ял илемлаште илыме йӧнан кумдыкым ыштымаш» номинацийыште Медведево районысо Пекшиксола администраций сеҥен налын. Тиде номинацийыштак тауштымаш дене Шернур районысо Казанский ял администраций палемдалтын.
