Пудий тургым мучашлалтын, но лӱдыкшӧ пытен огыл

Пудий тургым мучашлалтын, но лӱдыкшӧ пытен огыл
Эпидемиолог-влак пудий тургымым иктешленыт. Тений тиде копшаҥге 10-шо апрель гыч чулымештын. Октябрь марте республикысе эмлыме верлашке пудий пижме деч полышым йодын тӱжемат 411 еҥ миен. Тушечын 303-шо - йоча- влак. Таҥастарашлан: ӱмаште 949 еҥ лийын. Тушечын 204-ше йоча- влак. Пудий чыла районыштат пижын. Эн шукыжо- чодыраште, чодыра воктене да ял кумдыкыштат. Тений  вирусан энцефалит черым иктым да 17 боррелиозым палемдыме. Кодшо ийын энцефалит лийын огыл, а боррелиозшо 8 гына улмаш. Серопрофилактикым 13 еҥлан ыштыме. Ик тӱрлӧ пудий тургым мучашлалтын гынат, вес радамыш пурышо пудий лум вочмеш осаллана. Сандене тӱткышым иземдаш ок кӱл.

Прошлые выпуски