Мотоцикллан- чапкӱ
Волжск олаште мотоцикллан чапкӱм шогалтеныт. ГИБДД-н пӧртшӧ воктене тыгай чапкӱм шогалташ верысе «Мотор» мотоклубын байкерже- влакын шонымашышт шочын. Да пеш вашке тудым илышыш шыҥдарен кертыныт. Клубын шочмо кечыжлан 70-80-шо ийласе ГАИ символым ончыктышо кум метр кӱкшытан конструкцийым ыштеныт да пайремлан почын шуктеныт. Чапкӱм торжественно почмаште почётан уна- влакат лийыныт. Тыгай мотоциклым Марий Элыштак мумо, тудым тӧрлен, чиялтыме да постаментыш вераҥдыме. Тудо эртыме корно ден кызытсе жапым ушен шогымым, корно лӱдыкшӧ шотышто ГИБДД пашаеҥ ден байкер- влакын икгай шонымашан улмыштым ончыкта. Тиде чапкӱ деч вара вес шонымаш шочын: ГИБДД зданийыште корно лӱдыкшыдымылык дене кылдалтше шуэн вашлиялтше ӱзгар- влакым вераҥдаш. Мутлан, тошто скоростемерым, аккумулятор системан рацийым да молымат. Тидыже корно лӱдыкшыдымылык правилым у семын шарен колташ полша. А историйым эре шарнаш кӱлеш.
