Комплексно вияҥдыме программе почеш республикыште у школым, эмлыме верым, пӧрт- влакым чоҥат
Комплексно вияҥдыме программе почеш республикыште у школым, эмлыме верым, пӧрт- влакым чоҥат. Марий Элыште кундемлам комплексно вияҥдыме ойпидыш кышкарыште илыме пӧрт- влак гына огыл нӧлталтыт, а тӱрлӧ социал, инженер, транспорт кӱлешлыклан объект да йоча сад ден спорт площадке- влакат лийыт. Йошкар-Олаште верысе чоҥышо- влак да илыме вер аланым вияҥдыме институтын еҥже – влак дене пырля Правительстве председательын икымше алмаштышыже Александр Сальников совещанийым эртарен. Медведево ден Йошкар-Ола ушнымо кундемыште Мышино ял воктене кок мланде участкыште 300 тӱжем квадрат метр илыме верым чоҥаш палемдыме. Ойпидышым кылдаш аукцион 9-ше июньышто лиеш. 23 гектар утла кумдыкан участкылан 9 миллионат 870 тӱжем теҥгем палемдыме, а 22 гектар утла мландылан 9 миллионат 890 тӱжем теҥгем, - увертара ДОМ.РФ.
