Республикысе ял озанлык производитель- влакын технике паркыштым 662 миллион теҥгелан уэмдыме

Республикысе ял озанлык производитель- влакын технике паркыштым 662 миллион теҥгелан уэмдыме
           Республикысе ял озанлык производитель- влакын технике паркыштым 662 миллион теҥгелан уэмдыме. Йӧнан игече, кугыжаныш полыш субсидийым шке жапыштыже намиен шуктымо, пашам чаткан виктарымаш да уэмдыме технике ял озанлык пашам ончылгоч мучашыш лишемдаш йӧным ыштеныт. Тидын нерген Марий Элым вуйлатыше Юрий Зайцевлан ял озанлык да кочкыш сату министр Андрей Кондратенко увертарен. Министрын мутшо почеш икияшым 151 тӱжем гектареш але планын 97 процентешыже вераҥдыме. Таҥастарашлан кодшо ийын тиде кечылан 88 тӱжем гектареш гына ӱдымӧ лийын але планын 59 процент кумдыкшыже. Кызыт рапсым, кормалык культурым ӱдат, пареҥгым да саскам шындат. Тиддеч посна озанлык- влак озымым ончаш тӱҥалыныт, пестицид дене обработкым эртарат. Идалык тӱналтыш гыч аграрий- влак 250 единице ял озанлык технике ден оборудованийым налыныт. Тидыже кодшо ийысе тыгаяк жап дене таҥастарымаште 170 процент лиеш. Марий Элым вуйлатыше аграрий- влаклан  тыршен ыштымыштлан да кугу ответственностьыштлан таум каласен да тендан пашам йӧратымыда деч регионын кочкыш сату шотышто лӱдыкшыдымылыкшӧ шога. Тӱҥжӧ озымым ончымо темпым иземдыде, жап дене кылдалтше  моло да пасу пашамат жаптыштыже шуктен шогыман.- каласен Юрий Зайцев.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски