Патриарший площадьыште «Марий кеҥеж» тургым почылтеш

Патриарший площадьыште «Марий кеҥеж» тургым почылтеш
            Шушаш шуматкечын Патриарший площадьыште «Марий кеҥеж» тургым почылтеш. Марий Элым вуйлатышын проектше 27-ше майыште тӱҥалеш. Тыге волгыдын, веселан да тутлын «Амалкалчын кечыжым» палемдат. Оласе калыкым да нунын унаштым конкурс ден пӧлек, весела программе, йоча аттракцион- влак да тутло сий вучат. Площадьыштак солянкым шолтымо шотышто мастар-классым палыме ресторатор Иван Антропов эртара. Тудо «Руш пасу» фестивальыште калыкле солянкым шолтымо шотышто конкурсын Гран-прижым налше улеш. Тамле шӱрым Патриарший площадьыштак яра тамлен ончаш лиеш. Тудым шолташ верысе продукт кучылталтеш. Ингредиент- влакым тӱн шотышто «Звениговысо шыл комбинат» ситара. Пайрем сем деч поснат ок эрте. Шуматкечын сценышке республикысе рок-колектив- влак лектыт. РОК- солянке 15 шагатлан тӱҥалеш.

              Фото: Йошкар-Ола администраций.

Прошлые выпуски