Республикысе пӱртӱс поянлык министерстве «Ужар марафонышто» чолган участвоватлен

Республикысе пӱртӱс поянлык министерстве «Ужар марафонышто» чолган участвоватлен
         Республикысе пӱртӱс поянлык министерстве «Ужар марафонышто» чолган участвоватлен. Кодшо шуматкечын Чарла кремльыште кугу экологий мероприятий эртен. Кум шӱдӧ утла ӱдыр-рвезе министерствын экоквестшым эртен. Ведомстве кумшо ий почела «Ужар марафонышто» шке экологий зоныжым почеш. Тений «Пӱртӱсым аралыза» экоквестыште модмо семын 6 станций пашам ыштен: «Тулым чаре», «Ойырклаш- тиде модно», «Пӱртӱс тӱням шымле», «Ужар Фортуна», «Нейролабиринт», «Экологий модмашын калейдоскопшо». Тӱрлӧ ийготан йоча- влак ятыр уым пален налыныт, чодыра тулым йӧртен кертыныт. Марафонышто тыгак Кокымшо Волжский экологий диктант лийын. Тудым 40 еҥ возен. Министерствын сборный командыже куржталмашкат ушнен. Ныл меҥгат 200 метр кужытым Сергей Попов, Иван Харламов, Никита Можаров эртеныт, скандинав коштмашым – Ирина Филимонова.
         Фото: Пӱртӱс поянлык министерстве.

Прошлые выпуски