Приволжский посёлкышто «Сеҥымаш Аллей» волгалт шинча

Приволжский посёлкышто «Сеҥымаш Аллей» волгалт шинча
            Приволжский посёлкышто «Сеҥымаш Аллей» волгалт шинча. Волжский районысо Приволжский посёлкышто Сеҥымаш Аллейым умбакыже тӱзландарат. Паша «Йӧнан оласе кумдыкым ыштымаш» федерал проект почеш шукталтеш. Тений Аллейыш пурымо верым ыштат, фонтанын чашыжым, кермыч пырдыжшым олмыктат, бетон тошкалтышым чоҥат. Тиде пашалан ик миллионат 700 тӱжем теҥгем палемдыме. Кызыт арке шотан пурымо верым да чӱктен волгалтарыман «Сеҥымаш Аллей» вывескым вераҥдыме, фонтан йыр оптымо кермычым рончен налме. Илем администрацийым вуйлатыше Александр Червинскийын мутшо почеш паша график почеш кая. Лишыл жапыште посёлкын рӱдыжӧ верысе калыклан  утларак кумылым савырыше да шке тӱсан  лиеш.
         Фото: Волжский районын пабликше.

Прошлые выпуски