Инвалид- влакын машинаштым шогалтыме вер- влакым тергеныт
ГИБДД пашаеҥ- влак мер калык дене пырля поликлинике, пенсий фонд, пазар кундемласе тӱшка верлашке рейд дене лектын коштыныт да инвалид- влакын машинаштым шогалтыме вер- влакым тергеныт. Рейд жапыште кум автомобильым специализированный стоянкыш наҥгаеныт да знакым шотыш налдыме куд водительлан штрафым тӱлыктымӧ. ГИБДД виктемыште ушештарат: инвалид- влакын машинам шогалтыме верыштым налмылан вич тӱжем теҥге штрафым тӱлыктат. Тыгак машинам стоянкыш наҥгаен кертыт. Тыгеже, штраф деч посна эвакуаторын полышыжлан да стоянкыште машинам аралымылан ешарен оксам тӱлаш верештеш.
