Марий Элым вуйлатыше республикысе кугыжаныш счётный палатын председательже дене пашаче вашлиймашым эртарен

Марий Элым вуйлатыше Александр Евстифеев республикысе кугыжаныш счётный палатын председательже дене пашаче вашлиймашым эртарен. Президентын пеҥгыдемдыме калыкле проект- влакым шуктымым тергымаш счётный палатын тенийсе ик эн тӱҥ пашажлан шотлалтеш. Тидым республикым вуйлатыше дене вашлиймаште контрольно-счётный органым вуйлатыше Сергей Каргальский палемден. Кугыжаныш счётный палате кодшо ийын 41 контроль да экспертно-аналитик мероприятийым эртарен. Закон проект- влак да моло правовой акт шотышто 167 эксперт заключенийым ыштен. Таҥастарашлан: 17-ше ийыште 120, 18-ше ийыште 140 заключений лийын. Тиде паша калыкле проект- влак почеш оксам налаш негыз лиеш. Республикым вуйлатыше контрольно-счётный орган ончылно тенийлан шогышо тӱҥ задаче- влак нерген йодын. Сергей Каргальскийын мутшо почеш, калыкле да регионысо проект- влакым шындарымашым тергымаш, тергыше-эскерыше да правам аралыше орган- влак дене вашкылым пеҥгыдемдымаш пашаште ончыл верыште лийыт.

Прошлые выпуски