Алиментым от тӱлӧ- мутым кучаш шогалтат

Марий Эл гыч алиментым тӱлыдымӧ еҥым эрык деч посна кодымо олмеш ӧкым пашам ышташ пунчалыныт. Суд пристав службын уверже почеш Волжский районышто илыше, ондак судитлыме  пӧръеҥ  алиментым тӱлен огыл. Административно мут кучаш шогалтымекат, ийгот да тазлык шот денат пашаш пураш йӧнжӧ лийын гынат, нимат ыштен огыл. Оксам жапын-жапын тыште да тушто ыштен наледен. Тыге тудын шотышо уголовный пашам тарватеныт. Тунам гына ийготыш шудымо ӱдыржылан алиментым тӱлаш кӱлмӧ нерген шоналтен да пашаш пурен. Суд тудым пел ийлан эрык деч посна кодаш да пеҥгыде режиман исправительный колнийыш колташ пунчалын. Но эрык деч посна кодымо олмеш тыгай жапланак ӧкым пашам ышташ да пашадарже гыч кугыжанышлан 5 процентым кучен кодаш пунчалме. Айдемын тӧрланен кертмыжлан суд ӱшана гын веле, тыгай вашталтышым ышташ лиеш.

Прошлые выпуски