Юрино районыштат тений корнысо экшык- влакым кораҥдаш палемдыме
Юрино районыштат тений корнысо экшык- влакым кораҥдаш палемдыме. Тидлан ныл миллион теҥге окса ойыралтеш. А тиде корным телым кучаш 16 миллион теҥгем ойырымо. Кызыт регионысо значениян Йошкар-Ола – Козьмодемьянск, Озёрки- Марьино- Юрино, Копорулиха-Подгорное- Воскресенское корным, нуно Угарман-Йошкар-Ола маршрутыш пурат, федерал погыш кусарыме шотышто паша шукталтеш. Кодшо ийын корнын ситыдымашыжым кораҥдаш вич миллион утла теҥгем кучылтмо ыле, эше 18 миллионым корным кучаш, Озёрки-Марьино-Юрино корно ужашым олмыкташ 50 миллион теҥгем колтымо ыле. Кодшо ийыште тыгак Юрино посёлкысо школ воктене рӱдӧ проспектыште корно гоч вончемым тӧрлымӧ, Кочетов уремыште олмыктымо пашам шуктымо.
