Кугу Пумарийыште – карантин

Кугу Пумарийыште – карантин
Республикым вуйлатыше Александр Евстифеевын Указше дене Параньга районысо Кугу Пумарий ял кундемыште вольыкын орымо черым рашемдымылан кӧра, карантиным увертарыме. Документым правительствын сайтыштыже савыктыме. Черланыме верже ялысе Молодёжный уремыште посна еҥын озанлыкыштыже лийын. Лӱдыкшӧ семын Вочарма ялым шотлымо. Ушештарена: август мучашыште вольык орымо черлан кӧра Килемар районысо Кого Аваныр ялыште увертарыме карантиным кораҥдыме ыле.

Прошлые выпуски