Марий Элысе МВД-м у еҥ вуйлата
Элым вуйлатышын приказше дене Марий Элысе МВД-м вуйлаташ полицийын генерал- майоржо Сергей Волчковым шогалтыме. Тымарте тудо Архангельск областьысе МВД-м вуйлатен. Тушто тудо 2013-шо ий годсек служитлен. Сергей Александрович 1962-шо ийыште Ульяновскышто шочын. Туштак 1985-ше ий гыч эл кӧргӧ паша органыште тыглай сотрудник гыч паша корныжым тӱҥалын. Пашам сайын шуктымылан 110 награде дене поощренийже уло. Тыгак кок Кугжаныш награде дене палемдалтын. Ушештарена: тымарте Марий Элысе эл кӧрго паша шотышто министрын сомылжым 46 ияш полковник Алексей Коновалов шуктен.
