Шокшем Памаш ялыште илыше- влак У ий пайремым у Тӱвыра Пӧртыштӧ вашлийыт

Шокшем Памаш ялыште илыше- влак У ий пайремым у Тӱвыра Пӧртыштӧ вашлийыт
              Шокшем Памаш ялыште илыше- влак У ий пайремым у Тӱвыра Пӧртыштӧ вашлийыт. Шернур районысо тиде ялыште капитально олмыктымо деч вара тӱвыра тӧнежым почмо. «Тӱвыра» калыкле проект кышкарыште тушто леведышым капитально олмыктымо. Район администрацийын полшымыжо дене кӱварым, волгалтарыме, ырыктыме системым вашталтыме. У окна ден омсам шындыме, фасадым уэмдыме. Федерал, республике да верысе бюджет гыч чыла пашам  шукташлан 9 миллионат 700 тӱжем теҥге оксам кучылтмо. Тиде Тӱвыра пӧртым 1970-шо ийыште пашаш колтымо. Тудо верысе 350 еҥым обслуживатла.
             Фото: Тӱвыра министерстве.

Прошлые выпуски