«Шонымашым шуктышо кож» йоча- влакын кумылыштым шукта

«Шонымашым шуктышо кож» йоча- влакын кумылыштым шукта
               «Шонымашым шуктышо кож» йоча- влакын кумылыштым шукта. Россий кӱкшытан «Шонымашым шуктышо кож» акцийын участникше Григорий Горшков пӧлек шотеш шуко функциян тренажерым налын. Тыге тудо шке тазалыкшым пеҥгыдемден кертеш. Республикым вуйлатышын кӱштымыжӧ почеш правительстве вуйлатышын икымше алмаштышыже Наталья Ошланова Горшковмыт ешым У ий дене саламлен да Григорийлан пӧлекым пуэн. Тений тиде акций ноябрь кыдал гыч февраль марте шуйна.
             Правительстве вуйлатышын алмаштышыже-тӱвыра министр Константин Иванов Йошкар-Ола гыч кок йочан шонымашыжым шукта. Шым ияш Иван радиовиктарыме танк нерген шона, лу ияш Николай микроскопым налнеже. Чыла тидым ыштена,- каласен правительствым вуйлатыше. Ондакырак Константин Иванов пӧлек- влакым Морко да Марий Турек гыч еш- влаклан пуэн ыле. Константин Иванов «Шонымашым шуктышо кож» акций кышкарыште тыгак Палантай лӱмеш тӱвыра да сымыктыш колледжын Сымыктышын калыкле гимназийыштыже тунемше Арина Шиштанован кумылжым шуктен да телевизорым пӧлеклен. Тудо гимназист- влаклан тунеммаште сай лектышыш шуаш да тазалык ден пиалым тыланен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски