«Курымаш рубеж» кинофестиваль лиеш

«Курымаш рубеж» кинофестиваль лиеш
Республикын 100 ияш лӱмгечыже вашеш Йошкар-Олаште 17-18 октябрьыште регион- влак кокласе «Курымаш рубеж» кинофестиваль эрта. Оргкомитетыш Марий Эл, Татарстан, Чуваший, Мордовий, Эстоний да Моско гыч 52 йодмаш пурен. Фестиваль кок йыжыҥ дене эрта. Кокымшо сентябрьыште икымше ойырен налме заочный тур тӱналын. Оргкомитет пурышо паша- влакым ончен лектеш да сайжым ойырен налеш. Нуным кокымшо очный турышто ныл номинаций дене аклаш тӱналыт. Нуно тыгай лийыт: «Марий Эл нерген эн сай документал фильм», «Российысе калык- влакын этнокультурный поянлыкышт. Документал фильм», республикын, элын историйже нерген «Эн сай анимаций фильм», историй поянлыкым чапландарыше, архив документым кучылтман «Эн сай телевизионный программе». Жюрин аклымыж почеш кинофестивальын Гран-приже пуалтеш, эн сай режиссёр, оператор паша, калыкын кумылжым савырыше паша- влак ойыралтыт.

Прошлые выпуски