Музыковед архивым пойдарен

Музыковед архивым пойдарен
Таче Республикысе Кугыжаныш архивын лудмо залыштыже музыковед, Российысе композитор- влак ушемын еҥже, Марий Элын да Россий культурын сулло пашаеҥже, Марий Эл кугыжаныш премийын лауреатше Роза Артищеван 85 ияш лӱмгечыжлан пӧлеклалтше «Марий Элысе музыкальный илышын летописецше» теме дене йыргешке ӱстел йыр мутланымаш эртен. Тушто Республикысе Кугыжаныш архивын пашаеҥже, тӱвыра министерствын еҥже- влак лийыныт. Роза Вениаминовна шкенжын аралыме сем илыш дене кылдалтше 136 документым архивлан пӧлеклен. Тудо Шернур посёлкышто 1934-ше ий 2-шо сентябрьыште партий пашаеҥ- влакын ешыштышт шочын. 1960-шо ийыште Озаҥысе консерваторийым тунем пытарен, 30 ий наре Йошкар-Оласе музыкальный училищыште туныктен. Республикысе савыктышлаште сем дене кылдалтше ятыр статьям савыктен.

Прошлые выпуски