Марий Эл гыч эше ик офицер Российын Геройжо лийын
Владимир Путин Россий Геройын шӱдыржым Марий Эл гыч военнослужащийлан пуэн. «Российын Геройжо» лӱмым Новороссийскыште служитлыше младший лейтенант Анатолий Ивановлан пуымо. Тудо Куженер районысо Шорсолаште шочын. Кугу наградым теҥгече Кремльын Екатерининский залыштыже кучыктымо. Россий Федерацийын Геройжылан посна пале- «Шӧртньӧ Шӱдыр» медаль пуалтеш. Палемдена: чылаже орден, отличий пале, почётан лӱм- влак дене кумло утла россиянин палемдалтын.
Фото: kremlin.ru сайтысе видео гыч скрин.
Фото: kremlin.ru сайтысе видео гыч скрин.
