Таче телевиденийын тӱнямбал кечыже палемдалтеш
Республикыштына эфирный телевещанийын кугытшо 60 ий жапыште шым тӱжем пачаш утла кугемын. Таче телевиденийын тӱнямбал кечыже палемдалтеш. Изиш ондакырак кажне пӧртыштӧ телевизор лийын огыл, а каналжым парня денат шотлаш лиеш ыле манын, кызыт шоналташат ок лий. Марий Элыште эфиран телевещаний 1960-шо ийыште тӱҥалын. РТРС-ын Марий Эысе филиалжын директоржо Андрей Шадринын мутшо почеш, тунам телевидений арняш вич гана, суткаште кок шагат дене эфирыш лектын, а трансляций улыжат ик объект гыч, Йошкар-Оласе телебашне гыч шукталтын. Тиде аналоговый телевидений лийын. Жап эртыме семын у станций – влак шочыныт, канал- влак ешаралтыныт, а 21-ше курымышто тоштемше «аналогым» кызытсе жапысе цифре алмаштен. Ынде 99 процент калык сутка мучко цифран 20 каналым ончен кертеш. Мемнан кундемыште эфирный телевещанийын кугытшо эртыше 60 ий жапыште шым тӱжем утла гана ешаралтын,- палемден Андрей Шадрин. Цифровизаций жапыште чоҥымо РТРС сеть калыклан шуко программым ончаш йоным ыштен гына огыл, а умбакыжым инфокоммуникаций комплексым вияҥдаш негыз лийын.
Фото: РТРС-ын Марий Элысе филиалже.
Фото: РТРС-ын Марий Элысе филиалже.
