Марий КВН-ыште сеҥыше- влакым рашемдыме

             Марий КВН-ыште сеҥыше- влакым рашемдыме. Йошкар-Олаште лумышо гана марий йылме дене КВН-ым эртарыме. Эн сай лӱм верч Волжский, Морко, Шернур район да марий рӱдӧ олан куд командыже таҥасен. Нунын радамыш тӱрлӧ профессиян да тӱрлӧ ийготан еҥ- влак пуреныт: тӱвыра да туныктыш, производство сферын пашаеҥышт, студент да школышто тунемше- влак- 15 гыч 65 ияш марте лийыныт. Нуно кок номер гыч ямдыленыт. Саламлалтмаш да «Тӱвыра поянлык- ӱвыра поянлык огыл» теме дене моҥгысо пашам.
             Сеҥышыш Морко гыч РЦКД лектын. Кокымшо верым «Вий Ар» самырык организацийын «Кечан кече» командыжлан пуымо. Кумшо верыш Шернур район гыч «Нурвел» команде лектын. Тиддеч посна участник- влакым тӱрлӧ номинацийыште палемдыме. «Эн ӱшанче капитан» лӱмым «Нурвел» гыч Дмитрий Веденькин налын. «Кечан кече гыч» Илья Воронин «Мыскараче пӧръеҥ» лийын. «РЦКД» гыч Алевтина Ивановалан  «Мыскараче ӱдырамаш» лӱмым пуымо. «Эн пӱсӧ мыскара» номинацийыште сеҥымылан дипломым Волжский районысо Карай тӱвыра пӧртын «Шийгорно» командыже наҥгаен.
              Фото: Марий тӱвыра рӱдер.

Прошлые выпуски