Куженер посёлкышто капитально олмыктымо деч вара тӱҥ тунемме школ да йоча сымыктыш школ йӧршын уэмыныт
Куженер посёлкышто капитально олмыктымо деч вара тӱҥ тунемме школ да йоча сымыктыш школ йӧршын уэмыныт. Паша дене коштмо радамыште Республикым вуйлатыше Александр Евстифеев школышкат пурен лектын. Школ директор Светлана Михайлован мутшо почеш, спортзалым ачалыме, окнам, омсам, инженер коммуникацийым да электровштырым вашталтыме. Олмыктымо пашалан 19 миллион теҥгем кучылтмо. Пӱтынь пашаже 20-шо сентябрьлан мучашлалтшаш. Глава палемден: пашам качественно шуктымо, но олмыктымо пашам умбакыжат шуяш кӱлеш. Вес ийын пищеблокым олмыкташ, мебельым, кухньысо оборудованийым вашталташ палемдыме. Капитально олмыктымо пашалан кӧра, йоча- влак кокымшо школышто тунемыт.
Капитально олмыктымо паша йоча сымыктыш школыштат шукталтын. Зданийыште чыла гаяк уэмдыме: леведышым вашталтыме, пырдыжым комыжлымо, пурымо-лекме вер- влак олмыкталтыныт, отмосткым ыштыме, окна ден омсам, пу тувыраш- влакым вашталтыме, электро, вӱд, канализаций, ырыктыме, южтарыме системым олмыктымо. Школ кундемымат тӱзландарыме. Чылаже 20 миллион утла теҥге оксам кучылтмо. Школышто 230 йоча тунемеш, 10 усталык коллектив пашам ышта, икмыняр йоча пӱтынь марий йоча хорыш да духовой оркестрыш коштеш.
Капитально олмыктымо паша йоча сымыктыш школыштат шукталтын. Зданийыште чыла гаяк уэмдыме: леведышым вашталтыме, пырдыжым комыжлымо, пурымо-лекме вер- влак олмыкталтыныт, отмосткым ыштыме, окна ден омсам, пу тувыраш- влакым вашталтыме, электро, вӱд, канализаций, ырыктыме, южтарыме системым олмыктымо. Школ кундемымат тӱзландарыме. Чылаже 20 миллион утла теҥге оксам кучылтмо. Школышто 230 йоча тунемеш, 10 усталык коллектив пашам ышта, икмыняр йоча пӱтынь марий йоча хорыш да духовой оркестрыш коштеш.
