«Марий краевед» клуб черетан заседанийыш погына

Эрла Сергей Чавайн лӱмеш калыкле книгагудышто 16 шагатлан «Марий краевед» клубын 121-ше заседанийже лиеш. Тудо краевед, Марий Эл тӱвыран сулло пашаеҥже Алексей Клёновын 60 ияш лӱмгечыжлан пӧлеклалтеш. Алексей Максимович 2018-ше ий гыч тиде клубым вуйлата. Программыште Республикын 100 ийжылан историй шанче кандидат Василий Востриков ден Алексей Клёновын ямдылыме «Марий Эл. Курымын хроникыже: 1920-шо-2020-шо» книган презентацийже лиеш. Тиддеч посна У Торъял район гыч краевед Иван Шамаевын «Илыш ото» книгаж дене палымым ыштат. Тушто Талманъял, Алыксий, Пӱнчэҥер яллан историйышт нерген каласкалалтеш. Заседанийыште тӱвыра министерствын, Кугыжаныш архивын, тӱвыра колледжын еҥышт, краевед, шанчыеҥ- влак лийыт.

Прошлые выпуски