Шошымсо театр фестиваль шыжым эрта

Тений пандемийлан кӧра «Йошкар-Ола театральный» шошымсо фестиваль шыжыш кусаралтын ыле. Теве 2-шо октябрьыште тудо Шкетан лӱмеш калыкле марий драма театрыште торжественно почылтеш. Тиде кечын ончаш толшо- влак «Йыван Кырла. Путёвка в жизнь» чапланыше спектакльым ончен кертыт. Фестивальын программыштыже вӱдышӧ театр- влакын эн чапле спектакльышт ончыкталтеш. Тиддеч посна Курык марий театр «Про Федота-стрельца, удалого молодца» пашажым луктеш. Чылаже 11 спектакльым ончыктат. 8-ше октябрьыште Йыван Кырла лӱмеш калыкле театр премийым кучыктымаш дене фестиваль мучашлалтеш.

Прошлые выпуски