Лӱлпанысе тулык йоча- влаклан рӱдер гыч футболист- влак «Ончыкылык тый дечет шога» турнирын кум финалистше радамыш пуреныт
Лӱлпанысе тулык йоча- влаклан рӱдер гыч футболист- влак «Ончыкылык тый дечет шога» турнирын кум финалистше радамыш пуреныт. Краснодар крайыште футбол дене Россий кӱкшытан таҥасымаш мучашлалтын. Финалыш йоча пӧрт да интернат-школла гыч 16 эн виян команде погынен. Нуно пӱтынь Россий гыч лийыныт. Тӱҥ призше- Сочи олашке «Барселона» футбол клубын академийжын футбол дене кеҥежымсе лагерьышкыже каяш путёвка. Тушто тӱнямбал историян клубын методикыже почеш туныктат. Изирак- влак тӱшкаште сеҥышыш Тверь областьын «Атлетик» командыже лектын. Кокымшо верым Лӱлпан рӱдерын «Марс» командыже налын. Кумшыш Киров кундемысе Сосновка оласе «Прорыв» лектын. Кугурак тӱшкаште Оренбург, Тверь область, Майкопын командышт ойыртемалтыныт.
Фото: Архив.
Фото: Архив.
