Сурок посёлкышто газ пучым шупшыт
«Газпром газораспределение Йошкар-Олан» исполнительный директоржо Александр Ерёмин Медведево районысо Сурок посёлкышто газ пучым шупшмо пашам терген да верысе калык дене мутланен. Кызыт Заозёрный уремыште паша шукталтеш. Турковмыт ешын сртышкыжо пучым пыштат. Нуно догазификацийлан йодмашым пуэныт да мартыштак пашам шукташ ойпидышым кылденыт. Пӧрткӧргысӧ сеть ден газ оборудованийым специалист- влак монтироватленыт. Пашам мучашлымеке пӧртым газ пуч деке ушат. Тиде уремыштак эше кум пӧртыш канде тулым пуат. Посёлкысо калык ден догазификацийлан 22 йодмашым налме, индеш пӧрт деке пучым пуртымо, вич пӧрт канде тул дене пайдалана. Кызыт чоҥышо да монтаж бригаде ден подряд организаций- влак ырыктыме тургым марте пӱртус газ деке шукырак еҥым ушаш маныт тыршат. Тиде еш газовик ден газым пуртышаш пӧртын озаже- влакын ваш умылен пашам ыштымыштын чапле примерже, тыге лектышыш вашке шуаш лиеш.
Фото: «Газпром газораспределение Йошкар-Ола».
Фото: «Газпром газораспределение Йошкар-Ола».
