Звенигово олаште вӱд йымаке волен шичше ледоколым серыш нӧлталме
Звенигово олаште вӱд йымаке волен шичше ледоколым серыш нӧлталме. Суд пристав- влакын район кокласе пӧлкаштыже посна исполнительный производствым шуктымаште Звениговысо судным чоҥышо да олмыктышо завод шотышто материал лийын. Судын решенийже почеш организаций ледоколым нӧлталшаш ыле. Ончыч «Портовый-5» утарыше буксир завод кундемысе вӱдыштӧ шоген да икмыняр ий кучылталтын огыл. 2019-ше ийыште тудо пелыже наре вӱдыш волен, но нефтепродукт шарлымым рашемдыме огыл. Туге гынат тудо йырым йырысе кумдыклан да судно- влаклан кошташ лӱдыкшым луктын. Закон дене палемдыме жапыште суднын озаже тудым вӱд гыч лукташ вашкен огыл. Ӧкым нӧлталаш кӱштымеке суднын озаже тудым серыш луктын.
Фото: Россий ФССП-н Марий Элысе виктемжын пресс-службыжо.
Фото: Россий ФССП-н Марий Элысе виктемжын пресс-службыжо.
