Юрий Зайцев ракет дивизийын илышыже дене палыме лийын
Марий Элым вуйлатышын пашажым шуктышо Юрий Зайцев кумшо степень Кутузов орденан 14-ше Киев да Житомир ракет дивизийын личный составшын илыме да каныме службым наҥгайыме йӧнжӧ дене палыме лийын. Рекетчик- влак ончылно ойлышыла тудо каласен- таче регионлан пале событий- 779-ше ракет полкын «Тополь» куснылшо ракет комплексшын боевой дежурствыш шогалмыжлан 37 ий темеш. Тиде кече деч вара ракет дивизийын да полкынат илышыштыже историйын у ужашыже тӱҥалын. 2016-шо ий гыч ракет полк «Ярс» у ракет комплекс дене боевой дежурствым тӱҥалын. Юрий Зайцев ракет дивизийын военнослужащийже- влакын самырык тукымым шуарымаште чолгалыкым ончыктымыштым, Украиныште специальный операцийыште боевой задачым сайын шуктымыштым палемден. Мучашлан Юрий Зайцев 34096 войсковой частьын военнослужащийже- влаклан наградым кучыктен.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
