Волжск олаште 13 пачерлан эҥгекым ыштыме

           Волжск олаште подрядчикын титакшылан кӧра леведышым олмыктымо годым тушто илыше- влакын погыштлан кугу эҥгекым ыштыме. Волжск олан мэрже калыкын шуко йодышыжым лукшо  объектлам тӱзландарыме верлашке миен. Эн тургыжландарышыже -Гагарин уремысе 10-шо пӧрт. Тушто подрядчикын титакшылан кӧра 13 пачерлан эҥгекым ыштыме. Леведышым олмыктымо годым игечым шотыш налын огытыл. Июльышто таул мардежан тале йӱр- влак вошт нӧртеныт. Виктарыше организаций 19 актым возен. Южо пачерыштыже илашат ок лий. Электровоштыр эмганен, пырдыж, перекрытий, мебель, вургем- чыла нӧрен да пӱнышкен шинчын. Мэр Рафис Шагвалеев ситуацийлан пеҥгыде акым пуэн да калыклан эҥгекын акшым пӧртылташ кӱштен.
            Фото: О.Коротков. «Волжская правда».

Прошлые выпуски