Колонийыште калыклан кӱлешан сатум луктыт

Колонийыште калыклан кӱлешан сатум луктыт
Исполнительный кучем органын еҥже- влак кудымшо номеран исправительный колонийыш миеныт. Нуно уголовно-исполнительный системын производство секторжын мом ыштен кертыж дене палыме лийыныт. Нунылан ямде сатум ончыктышо выставкым чумырымо. Колонийыште УИН-ын еҥже- влак районласе администраций вуйлатышын алмаштышышт дене вашлийыныт. Уна- влак производство цехлаште лийыныт, петырымаште улшо- влакым токарь, слесарь, электрогазосварщик, станочник, пушеҥгым пӱчкеден ӱзгарым ыштыме пашалан туныктышо профессионал училищым онченыт. Колонийын производство секторжо тӱҥ шотышто металлообработко дене пашам ышта. Экскурсий годым кундем- влакым сӧрастараш изи архитектур формо- влакым ыштыме пашам ончыктеныт. Тиде- теҥгыл, савар, урно, понар да молат улыт. Тыгак уремысе кафе- влаклан мебельым ыштат. Тиддеч посна газ горелкым, автомобиль- влаклан тягово-сцепной устройствым, сувенир- влакым, трансформер-теҥгылым, походлык коҥгам, мангалым, лумым удыраш йӧнештарымашым да молымат ыштат. Ведомство тӱрлӧ вашкыллан ямде да кеч- могай заказымат налын кертеш,- каласеныт УИН-ым вуйлатыше- влак.

Прошлые выпуски