Унчо ялыште шыже кумалтыш годым ыштыме фотосӱрет тӱнямбал конкурсышто сеҥышыш лектын
Пӱртӱсысӧ шнуй вер- влакым ончыктышо тӱнямбал фотоконкурс эртыш да тудым иктешлыме. Тудын тӱҥ премийжым- тӱжем евром- Марий Элысе кумалмаште Алексей Насыровын ыштыме фотосӱретше налын. Тудын ош-шем тӱсан фотосӱретыштыже кӱсотышто сукалтен шичше еҥ- влак койыт. Тудым Морко районысо Унчо ялыште шыже кумалтыш годым ыштыме. Алексей Насыров РИА увер порталыште фотокорреспондентлан пашам ышта. Шке пашаже нерген тудо тыге каласен: шнуй вер- влакым войзымо годым, нуным чон да шӱм дене ончаш кӱлеш. Тиддеч посна эше 18 еҥлан специальный премийым кучыктымо. Тӱнямбал фотоконкурс тений 12-шо гана эртен. Тушко 200 утла автор ушнен. Нуно 777 фотосӱретым колтеныт. Снимкым 20 элыште 40 утла калыкын шнуй верыштышт ыштыме. 12 финно-угор калыкын жаплыме верышт войзалтын.
