Марий Элыште тений счётчик- влакым тергыме у правил- влак вийым налыт

Марий Элыште тений счётчик- влакым тергыме у правил- влак вийым налыт. Бытовой счётчик- влакым тергымашын лектышыжым юридически кӱлешан иктешлымашлан Росстандартын реестрыштыже возен палемдымаш гына шотлалтеш. Тергыме нерген кагаз свидетельствым приборын озажын йодмыж почеш гына возен пуат. Приборым тергыше специалист ик сутка жапыште тергыме нерген данныйым «Аршин» виш  реестрыш пуртышаш. Тиде ведомственный системылан шотлалтеш. Счётчикын озаже приборжын заводысо номерже почеш тушто тергыме уверым пален налеш да черетан тергымаш кунам лийшашым рашемда. Росстандартын шонымыж почеш, тиде ондалкалымашым шагалемдаш полшышаш. Молан манаш гын, шояк организаций- влак тергыме жап эртен да закон почеш уэш тергаш кӱлеш але счётчикым вашталтыман манын, ондалкалаш тӧчат. Тыгай ондалкалымашым лач тергымашын электрон фиксацийже гына чараш полша. Лектышым электрон йӧн дене фиксироватлыме норма тений сентябрь мучашыште вийым налеш.

Прошлые выпуски