Пайрем жапыште 120 осал паша ышталтын

Тенийсе икымше 8 кечыште республикыштына 120 утла осал пашам ыштыме. Пайрем кечылаште полицейский- влак тӱшка порядкым эскереныт да лӱдыкшыдымылыкым ыштеныт. Тӱшка профилактике мероприятийым эртарымаш кугу осал паша деч кораҥаш полшен. 30-шо декабрьыште полиций пеҥгыдемдыме режиман службыш куснен. Пайрем кечылаште службыш эл кӧргӧ паша органын 500 утла сотрудникше, 250 утла калык дружинник,  50 наре посна оролышо предприятийын еҥышт лектыныт. 150 наре илемлаште тӱшка мероприятий- влак эртеныт. Тушко 60 тӱжем наре еҥ ушнен. Икымше 8 кечыште полиций 120 осал пашам регистрироватлен. Тушечын 40-же еҥын погыжым шолыштмаш, тушкак банк карте гыч оксам налмаш пура, тыгак 6 толымаш, наркотикым шаркалымаш дене кылдалтше 19 осал паша да 10 ондалкалымаш. Тиддеч посна полиций пашаеҥ- влак тӱжем утла административный правонарушенийым рашемденыт.

Прошлые выпуски