Стратегический назначениян ракет войска 60 ий теммым палемдыш

Стратегический назначениян ракет войска 60 ий теммым палемдыш
Теҥгече стратегический назначениян ракет войска дене илышыштым кылдыше ракетчик- влак лӱмлӧ кечым палемдышт- тиде войскалан 60 ий теме. Йошкар-Ола ракет дивизийыште служитлыше- влак Константинов лӱмеш Академический руш драма театрыш торжественный погынымашыш чумыргеныт ыле. Погынышо- влакым пайрем дене республикым вуйлатыше Александр Евстифеев саламлен. Тудо палемден: 1959-ше ийыште ыштыме ракет войска элнан вооружённый куатшым пеҥгыдемдымашке кугу надырым пыштен. Россий Вооружённый вийын Верховный Главнокомандующийже Владимир Путин ракет войскам элым аралымашын негызшылан шотла да лач нуно мемнан суверенитетнам аралат, манын ойла, - каласен Александр Евстифеев. Республикым вуйлатыше Кутузов орденан Киевско-Житомир 14-ше ракет дивизийын личный составшылан тауштымашым ойлен. Республикыште военно- патриот мероприятий- влакым ямдылаш да эртараш надырым ыштымылан 34096 войсковой частьын командирже Виталий Тарасовлан «Марий Эл ончылно надырлан» Орденын медальжым кучыктымо. Тыгак Правительствын Чап грамотыж дене тиде частьынак командиржын алмаштышыже Сергей Александров, войсковой частьым вуйлатыше- влак Алексей Куклин, Михаил Гагарин, Евгений Крысов палемдалтыныт. Республикым вуйлатышын тауштымашыжым батальонын командирже Вячеслав Комяковлан увертарыме.

Прошлые выпуски