«Марий политехнический техникумын» проектше Россий кӱкшытыштӧ сеҥышыш лектын
«Марий политехнический техникум» йоча- влаклан да неле илыш йыжыҥыш логалше икшыван еш-влаклан полшаш виктаралтше инноваций социал проект- влакын Россий кӱкшытан конкурсыштышт сеҥышыш лектын. Тудым Российысе йоча- влаклан полшышо фонд эртарен. 142 участник гыч Марий политехнический техникум 16-шо верыш лектын да проектшым илышыш шыҥдараш ик миллионат 500 тӱжем теҥгем налын. Тудын «Профессий гоч сеҥымашышке» проектше законым пудыртышо, ийготыш шудымо йоча- влакын улшо сай пашаштым вияҥдаш да виктараш полшаш, профессионал шинчымашым налаш ямдылалташ полшаш, профессионал пашам шке шукташ ямдылаш туныкташ виктаралтын.
