Марий самырык театрыште «Асям» ончыктат
Таче Марий самырык театрыште Иван Тургеневын повестьше почеш шындыме «Ася» спектакльын премьерыже лиеш. Тудым режиссёр Эрвина Гордеева шынден. Произведенийын тӱҥ геройжо, Европо мучко тыглай канен коштшо еҥ, Германийыште драмын героиньыже Ася дене вашлиеш да йӧратен шында. Но пиал пӱралтын огыл улмаш. «Ася» драма самырык тукымлан пеш пайдале лийшаш. Тыгак школышто 19-ше курымысо руш литературым тунемше- влаклан шерге лиеш. Спектакль таче 18 шагатлан тӱналеш.
