Йодыштмаш: «Тарханово» парк могайрак лийшаш?

                     Йошкар-Олаште илыше калыклан «Тарханово» паркын могайрак лийшашыж нерген шоналташ темлат. Тидын шотышто «Тихнэ» конкурс бюро калык деч йодыштмашым эртара. Тылзе ончыч тудо «Тарханово» паркым тӱзландарыме концепцийым ышташ виш тӱнямбал конкурсым увертарен. Тиде пашалан ик миллион теҥгем тӱлат. Февраль мучашлан участник- влак 12 гектар кумдыкым айлыше паркын концепцийжым ыштышаш улыт. Куд эн сай пашан авторжо- влак окса призым налыт. Конкурс деч посна калык коклаште йодыштмаш эрта. Парк шотышто тыгай йодышлан вашаштеш кӱлеш: кӧ тушто да кузе жапшым эртара, спорт дене кылым куча мо, паркыште йоча площадке- влак лийшаш улыт мо, кузерак тудо волгалтаралтшаш, паркыште пийым коштыкташ вер лийшаш мо? да тулеч молат. Тыге паркын могайрак лийшашыже да тудым кузе вияҥдыме йодыш рашемеш. Йодыштмашын лектышыже тӱнямбал конкурсын эскизым ыштыше участникше- влаклан колтымо лиеш.

Прошлые выпуски