Слётышто Марий университетын «Воскресение» кычалше студент отрядше ойыртемалтын

                    «Юл кундем округын кычалше отрядше- влакын «Иктымат мондымо огыл» слётышт» мер проект полпредын тӱҥалтышыж почеш 2014-ше ийыште пашам ышташ тӱҥалын. Тудо самырык- влак коклаште кычалме пашам шарен колташ йӧным ышташ, кугу сар нерген шарнымашым кодаш, историйым пужен ыштыме ваштареш виктаралтын. Слётышто Марий университетын «Воскресение» кычалше студент отрядше ойыртемалтын. Кугу Сеҥымашлан 75 ий теммылан ямдылалтмаште да эртарен колтымаште чолган участвоватлымылан отрядым вуйлатыше  Пётр Бусыгин Россий Президентын тауштымашыже дене палемдалтын. Наградым кучыктымашым да саламлымашым Марий Эл правительство вуйлатышын икымше алмаштышыже Миахил Васютин эртарен. Полномочный представительын Дипломжо- влакым тӱҥ федерал инспектор Павел Волков кучыктен. «Инноваций» номинацийыште икымше степенян дипломым отрядын боецше Евгения Софина налын, «Воспитанник» номинацийыште Анастасия Ладина палемдалтын.

Прошлые выпуски