Марий Элыште идалык мучаш марте калыкле проект- влак почеш 10 миллиард теҥге оксам кучылтмо лиеш

               Марий Элыште идалык мучаш марте калыкле проект- влак почеш 10 миллиард теҥге оксам кучылтмо лиеш. Марий Элым вуйлатыше Александр Евстифеев правительствын еҥже- влак дене калыкле проект- влакым шыҥдарыме йодыш дене совещанийым эртарен.
               Капитально чоҥымо пашам шуктымо да ойырымо оксам кучылтмо нерген Промышленность министр Станислав Крылов ойлен. Идалык мучаш марте чоҥаш палемдыме 32 объектым тӱрыс ыштен шуктымо лиеш. Тачысе кечылан Йошкар-Олаште. Медведевыште, Визимьярыште йоча сад- влакым пашаш колтымо, рӱдолаште школым, Волжскышто школын кокымшо корпусшым, Марий Турекыште очистной сооруженийым, Марково- Руш Руя, Вечын- Кӧрдемтӱр корным чоҥымо. Кугу Ноля ден Арбаныште ФАП ямде, эше 15 чоҥалтеш, Красностекловар психоневрологий интернат, Козьмодемьянскыште очистной сооружений ышталтын. Козьмодемьянск ден Юриныште стадионым ыштат. Корным чоҥымо паша дене тенийлан контарктым 92 утла процентым ыштыме. Йошкар-Олаште магистральым чоҥаш оксам ешарен ойырымо.
              Тенийсе идалыкын лектышыже почеш чылаже 10 миллиард утла теҥге оксам кучылтмо лиеш. Тидыже тенийсе планын 95 утла процентше лиеш. Республикым вуйлатыше палемден:  палымдыме жап дене калыкле проект- влакым шыҥдарымаш правительствын еҥже- влак ончылно шогышо эн кӱлешан задаче радамыште лийшаш улыт. Сандене кодшо объект- влакым талук мучаш марте шукташ пашам писемден колтыман.

Прошлые выпуски