«Азербайджан- тулан эл» фотоончер почылтын

              Йошкар-Олаште «Азербайджан- тулан эл» фотоончер почылтын. Тудо «Благовещений башня» тӱвыра-выставке рӱдерыште пашам ышта. Экспозицийыште Азербайджанысе фотограф- влакым пашаштым вераҥдыме. Тушто Кавказ элын мотор да пале вер-шӧржым, историй памятникшым, калыкле кухньым да йӱлам ончыктымо. Тыгак мийыше- влак калык вургемым, сурт-коклаште кучылтмо ӱзгарым, тошто книга- влакым ужын кертыт. Ончер 15-ше январь марте пашам ышта. Тудым республикыште илыше азербайджанец- влакын калыкле-тӱвыра автономийышт ямдылен.

Прошлые выпуски