Йошкар-Олаште кож пазар шушаш арнян почылтеш
Йошкар-Олаште кож пазар шушаш арнян почылтеш. Йошкар-Ола администрацийын увертарымыж почеш кож пазарым вераҥдаш ойпидышым кылдаш электрон аукционым эртарыме ыле. Тудо ныл лот дене – олан тӱрлӧ районыштыжо верланыше адрес дене эртен. Тушто сеҥышыш Воин- Интернационалист- влак уремысе 28-ше пӧрт воктелсе кундем сеҥышыш лектын. Лач тушто 24-ше декабрь гыч У ий кожым ужалаш тӱҥалыт. Иман пушеҥгым да нунын лӱсан укшыштым 31-ше декабрь марте налаш лиеш.
А Сеҥымаш паркыште 15 метр кӱкшытан У ий кожым вераҥдыме, тудым сӧрастарыме. Герой- влакын Аллейыштышт иллюминацийым ыштыме, каныш кечылаште каток пашам ышташ тӱҥалын. Икманаш, Парк пайремым вашлияш ямде.
Йошкар-Оласе рӱдӧ площадьыштат теҥгече 23 метр кӱкшытан кожым шке верышкыже шындыме. Ынде тудым сӧрастарат, модыш- влакым сакалат. Энергетик- влак таче иллюминацийым келыштарат.
А Сеҥымаш паркыште 15 метр кӱкшытан У ий кожым вераҥдыме, тудым сӧрастарыме. Герой- влакын Аллейыштышт иллюминацийым ыштыме, каныш кечылаште каток пашам ышташ тӱҥалын. Икманаш, Парк пайремым вашлияш ямде.
Йошкар-Оласе рӱдӧ площадьыштат теҥгече 23 метр кӱкшытан кожым шке верышкыже шындыме. Ынде тудым сӧрастарат, модыш- влакым сакалат. Энергетик- влак таче иллюминацийым келыштарат.
