Марий Полицийын сводный отрядше черетан кужу командировкыш Йӱдвел Кавказыш каен
Марий Полицийын сводный отрядше черетан кужу командировкыш Йӱдвел Кавказыш каен. Нунылан сугынь мутым Республикын эл кӧргӧ паша министрже, полицийын генерал-майоржо Сергей Волчков ойлен. Тудо дисциплине ден законым эскераш, службым чаткан шукташ, уло вийым тӱшка порядкым эскерымашке да калыкын лӱдыкшыдымылыкшым ыштымашке виктараш ӱжын ойлен да тыге палемден: мӧҥгыштыда тендам лишыл еҥда да шочшыда- влак вучат, тидым шарныза да тичмаш состав дене мӧҥгӧ пӧртылза» манын. Ужатымашке МВД ветеран- влак советын, общественный советын, черкын еҥышт миеныт.
